ورا الحكاية
اللي شفته فوق مختبر، مو موقع عميل. سؤاله واحد: نقدر نبني بأدواتنا حكاية تمشي بالسكرول بنفس مستوى أحسن استوديوهات العالم؟ فككنا المواقع اللي نحبها، وعدينا التقنيات وحدة وحدة، وكل اللي ما كان عندنا بنيناه هنا.
زجاج يفك الضو
المانتا مو صورة ولا فيديو. جسم ثلاثي الأبعاد من زجاج يكسر اللي وراه ويفرده ألوان، زي ما يسوي المنشور مع الشمس. ولونها يتغير مع كل فصل من الأزرق للمرجاني، والرفرفة حركة عظام حقيقية مبنية في بلندر.


كلمة ورا الزجاج
الكلمة الكبيرة مو طبقة فوق المشهد، هي جوا المشهد نفسه وراء المخلوق. عشان كذا لما يمر الجناح قدامها تنحني وتتلون. وتنكشف من اليمين لليسار لأنها عربية، مو العكس.
العمق
تحت، الضو يقل. بذرة وحدة تنور، وحولها خيوط دخان تلف بقوانين تيار مائي. كل خيط شريط عريض يواجه الكاميرا، وعليه ملمس يجري معه، فيبان دخان مو خط مرسوم.

شعاب تكسر الضو
كل كريستالة جواها أيقونة بكسل صغيرة. الزجاج يكسرها ويفرد ألوانها، فتشوفها من كل زاوية بشكل ثاني. تعلمنا هنا درس كلفنا دورتين: اللي تبغاه ينكسر جوا الزجاج لازم يكون صلب، مو شفاف.


من زجاج لجمر
في الآخر، نفس جسم المانتا يتحول لثلاثين ألف نقطة جمر. النقاط مأخوذة من سطحها بالضبط، فالشكل ما ينقطع، بس المادة تتغير. وبعدها تطير وتصير غبار ضو.
الكاميرا من بلندر
ما كتبنا حركة الكاميرا بالكود. رسمناها في بلندر زي مخرج، وخبزناها في ملف صغير يقراه المتصفح ويمشي فيه مع السكرول. وللجوال مسار ثاني أبعد شوية عشان الكادر العمودي.
- نحط مفاتيح الكاميرا بنفس إحداثيات الصفحة
- بلندر يلحق الهدف ويخبز كل فريم
- نطلع ملف واحد حجمه ٢١ كيلو
- السكرول يحدد اللحظة في المسار
إيش كان ناقص وإيش انبنى
| التقنية | قبل المختبر | بعده |
|---|---|---|
| مخلوق بعظام يرفرف | ما سويناه ولا مرة | سكربت بلندر يبني الجسم والعظام والحركة |
| كاميرا مرسومة | حركة مكتوبة بالكود | مسار من بلندر، ونسخة للجوال |
| زجاج يفرد الألوان | ما استخدمناه | المانتا والشعاب |
| صوت | صامت دايم | صوت يتولد بالكود ويغمق مع العمق |
| تفكيك المراجع الثقيلة | الأداة تعلق على شاشة التحميل | متصفح حقيقي بكرت شاشة حقيقي |